Skandal në Komunën e Mitrovicës, shkarkohet drejtori i Bedri Hamzës për dyshime korrupsioni

Me një vendim të firmosur më 5 shtator, Kryetari i Komunës së Mitrovicës, Bedri Hamza ka shkarkuar Drejtorin e Kulturës, Rinisë dhe Sportit, Fahri Jashari, për dyshime të keqpërdorimit të rëndë të pozitës zyrtare.

Në median KosovaNews është publikuar dokumenti i shkarkimit të Fahri Jasharit, të nënshkruar nga kryetari i komunës, Bedri Hamza.

Në arsyet e shkarkimit thuhet: Shkarkimi i drejtorit të drejtorisë behet për faktin se ndaj tij ekziston dyshimi i bazuar për keqpërdorimin e pozitës zyrtare, përmes veprimeve që bien ndesh me parimet e ligjshmërisë, paanshmërisë dhe integritetit të administratës publike.

Sipas KosovaNews, shkarkimi i drejtorit është bërë pasi ai është kapur në flagrancë me një rast korrupsioni.

Rruga Press