‘S’jemi kampionë turizmi, po kontrabandistë që shesim naftë të lirë për jahtexhinjtë’
Nga Klodian Tomorri
Kur vendi bëhet totalisht qesharak, Kryeministri e nis ditën duke njoftuar popullin se në Durrës erdhi jahti i themeluesit të Whatsapp!
“Nga fillimi i sezonit kanë qenë të shumtë jahtet dhe kroçerat, që janë ankoruar në brigjet shqiptare – thotë kryeministri- dhe kjo tregon se Shqipëria po bëhet kampione e turizmit në Ballkan!”
As një orë pasi përfundoi mbushjen e serbatorit me qindra mijë litra naftë pa taksa, jahti u nis në Kroaci. Pronari i jahtit fitoi më shumë se 1 milion euro ndoshta, por në Durrës nuk denjoi të blinte as ndonjë sufllaqe për marinarët. Ia mbathi në Kroaci!
Pra, për ta përmbledhur këtë njoftimin e Kryeministrit, ne nuk jemi kampionët e turizmit në Ballkan. Thjesht jemi ca kontrabandistë të vegjël, që shesim naftë të lirë për jahtexhinjtë e të gjithë botës, ndërsa qytetarëve u rrasim shkopin e trashë të Bordit. Nejse, filozofi zhvillimi është dhe kjo.
Mesazhi i Ramës, dje.
Rruga Press