Siguria ndërkombëtare, Franca do të nisë fluturimet mbi Bosnjën

Forca paqeruajtëse e Bashkimit Evropian në Bosnje, Eufor, ka thënë se Franca do të kryejë fluturime stërvitore me avion të shpejtë mbi Bosnje, midis përkeqësimit të situatës së sigurisë ndërkombëtare, raporton Reuters.

“Aeroplanmbajtësja Charles de Gaulle aktualisht po kryen trajnime operacionale në Detin Mesdhe dhe, nga e hëna e 7 marsit, avioni i saj Rafale do të kryejë fluturime mbi Ballkanin Perëndimor, përfshirë Bosnje-Hercegovinën”, tha Eufor.

Kjo vjen pasi BE-ja javën e kaluar njoftoi se po rritte forcat paqeruajtëse nga 600 në 1,100 për të parandaluar destabilizimin e mundshëm pas pushtimit rus të Ukrainës.

Bosnja po përballet me një lëvizje separatiste serbe të Bosnjës, e cila kuptohet se ka marrë mbështetje nga Moska, raporton agjencia e lajmeve. Ashtu si Ukraina, Bosnja ka thënë prej kohësh se dëshiron të bashkohet me NATO-n.

Rruga Press