Si parti e bojkotit LDK-ja po ndjek me vendosmëri rrugën e PSD-së

Nga Donik Sallova

LDK mori 13% në zgjedhje, humbje e thellë politike, ndëshkim nga elektorati për bllokadën pas 9 shkurtit.

Sot i ofrohet bashkëqeverisje përtej mbështetjes që i ka dhënë populli, Zëvendëkryeministrin e parë dhe MPJD, si dhe tri ministri të tjera.

LDK refuzon dhe vendosë ta pengojë zgjedhjen e presidentit për të cilin VV i ka votat (61 vota kërkon kushtetuta në raundin e tretë).

Pra, LDK do ta bllokojë zgjedhjen e presidentit, jo sepse zgjedhja e tij varet prej votave të saj, por sepse nga bojkoti i LDK-së vendi shkon drejt zgjedhjeve të parakohshme.

Edhe një palë zgjedhje “dhuratë” nga LDK. Dhuratë si ndëshkim ndaj popullit.

Si parti e bojkotit LDK po ndjek me vendosmëri rrugën e PSD-së. Çfarë i duhet popullit një parti që e refuzon demokracinë dhe rezultatin zgjedhor?!

Populli nuk ia ka dhënë mandatin LDK-së ta zgjedhë presidentin, ajo mund të votojë kundër dhe për këtë ka legjitimitet. Por ta bllokojë funksionimin e shtetit përmes bojkotit…? Kjo përfundimisht e mbyllë në arkiva historikun e partisë institucionaliste!

Rruga Press