Shqipëria, Polonia dhe Kosova shtetet më monoetnikë në Evropë/ Lista e plotë e Evropës

Më poshtë gjejmë të renditur listën e shteteve evropiane, që nga ato me përqindje më të lartë të etnisë shumicë dhe deri te ato shtete ku shumica e tyre etnike është më e vogël, e ku minoritetet përbëjnë një pjesë të konsiderueshme të numrit të përgjithshëm të popullsisë. Do të rendisim shtetet evropianë, nga ata më monoetnikët, e deri tek ata më multietnikët.

Shqipëria dhe Polonia renditen në vendin e parë me 97% shqiptarë në Shqipëri dhe polakë në Poloni. Këta janë dy shtetet më homogjenë për nga popullsia në Evropë.

Duhet të theksojmë se regjistrat zyrtarë thonë se 83% e popullsisë në Shqipëri janë shqiptarë. Poashtu, sipas të njëjtave të dhëna 14% e popullsisë nuk e kanë deklaruar kombësinë e tyre. Statistika që thotë se në Shqipëri janë 97% shqiptarë nuk janë marrë nga të dhënat e regjistrimit zyrtar të popullsisë, por nga matje të tjera të bëra në mënyrë alternative, ku është marrë në shqyrtim edhe përcaktimi i kombësisë së 14 përqindëshit të padeklaruar.

Kosova renditet në vendin e katërt në Evropë me 92% shqiptarë në numrin e përgjithshëm të popullsisë së saj. Pavarësisht se me kushtetutë Kosova është shtet multietnik, faktikisht, në terren gjërat flasin ndryshe. Sipas shifrave Kosova nuk plotëson asnjë kriter racional për tu llogaritur shtetmultietnik.

Shteti i fundit, me shumicën më të vogël në Evropian është Mali i Zi, i cili edhe me kushtetutë përbën shtet multietnik. Malazezët nuk përbëjnë dot as 50% të popullatës së përgjithshme në Mal të Zi.

Renditja e shteteve evropianë nga më monoetnikët deri te më multietnikët:

1. Polonia me popullsi 37,790,748 banorë: 97% polakë, 3.3% të tjerë
2. Shqipëria me popullsi 2,877,797 banorë: 97% shqiptarë, 3% të tjerë (zyrtarisht 83% shqiptarë dhe 14% të padeklaruar)
3. Portugalia me popullsi 10,196,709 banorë: 94% portugezë, 6% të tjerë
4. Kosova me popullsi1,935,259): 92% shqiptarë, 4% serbë, 4% të tjerë
5. Italia me popullsi 60,342,101 banorë: 91.7% italianë, 8.3% të tjerë
6. Islanda me popullsi 341,243 banorë: 91% islandezë, 9% të tjerë
7. Kroacia me popullsi 4,105,267 banorë: 90.5% kroatë, 9.5% të tjerë
8. Çekia me popullsi 10,708,981 banorë: 90.4% çekë, 9.6% të tjerë
9. Spanjë me popullsi 46,779,255 banorë: 89% spanjollë, 11% të tjerë
10. Suedia me popullsi 10,099,265 banorë: 88% suedezë, 12% të tjerë
11. Gjermania me popullsi 83,946,192 banorë: 87.2% gjermanë, 12.8% të tjerë
12. Irlanda me popullsi 4,937,786 banorë: 87.4% irlandezë, 12.6% të tjerë
13. Finlanda me popullsi 5,540,720 banorë: 86.9% finlandezë, 13.1% të tjerë
14. Danimarka me popullsi 5,792,202 banorë: 86.3% danezë, 13.7% të tjerë
15. Sllovakia me popullsi 5,459,642 banorë: 86% sllovakë, 9.7% hungarezë, 4.3% të tjerë
16. Bullgaria me popullsi 6,948,445 banorë: 84.8% bullgarë, 15.2% të tjerë
17. Lituania me popullsi 2,722,289 banorë: 84.1% lituanezë, 15.9% të tjerë
18. Hungaria me popullsi 9,660,351 banorë: 84% hungarezë, 16% të tjerë
19. Malta me popullsi 441,543 banorë: 83.8% të bardhë johispanikë, 16.2% të tjerë
20. Bjellorusia me popullsi 9,449,323 banorë: 83.7% bjellorusë, 16.3% të tjerë
21. Rumania (19,066,605): 83.4% rumunë, 16.6% të tjerë
22. Serbia me popullsi 8,737,371 banorë: 83.3% serbë, 16.7% të tjerë
23. Norvegjia me popullsi 5,421,241 banorë: 83.2% norvegjezë, 16.8% të tjerë
24. Sllovenia me popullsi 2,078,938 banorë: 83.1% sllovenë, 16.9% të tjerë
25. Britania e Madhe me popullsi 68,372,589 banorë: Britanikë: 81.9%, 18.1% të tjerë
26. Rusia me popullsi145,904,689 banorë: 81% rusë, 19% të tjerë
27. Austria me popullsi 9,006,398 banorë: 80.8% austriakë, 19.2 të tjerë
28. Hollanda me popullsi 17,186,299 banorë: 80.7% hollandezë, 19.3% të tjerë
29. Greqia me popullsi 10,423,054 banorë: Greqia nuk i njeh minoritetet, prandaj dhe nuk i numëron, por mendohet se grekë etnikë janë vetëm rreth 80%.
30. Ukraina me popullsi 43,383,038 banorë: 77.8% ukrainas, 22.2 të tjerë
31. Franca me popullsi 65,469,416 banorë: 76.9% francezë, 23.1% të tjerë
32. Moldavia me popullsi 4,033,963 banorë: 75.1% moldavë, 24.9 të tjerë
33. Turqia me popullsi 85,565,826 banorë: 75% turq, 18% kurdë, 7% të tjerë
34. Estonia me popullsi 1,326,535 banorë: 69% estonezë, 31 % të tjerë
35. Litenshtajni me popullsi 38,128 banorë: 65.8% litenshtajnas, 34.2% të tjerë
36. Zvicra me popullsi 8,654,622 banorë: 65% gjermanë, 24,4% francezë, 7% italianë, 3.6 % të tjerë
37. Maqedonia e Veriut me popullsi 2,083,258 banorë: 64% maqedonas, 25.2% shqiptarë, 4% turq, 6.8% të tjerë
38. Letonia me popullsi 1,886,198 banorë: 62% letonezë, 38% të tjerë
39. Belgjika me popullsi 11,589,623 banorë: 58% flamandë, 31% valonë, 11% të tjerë
40. Luksemburgu me popullsi 625,978 banorë: 51.1% luksemburgas, 48.9% të tjerë
41. Bosnja dhe Hercegovina me popullsi 3,280,819 banorë: 50.11% boshnjakë, 30.78% serbë, 15.43% kroatë, 3.68% të tjerë
42. Andora me popullsi 77,265 banorë: 48.7% andorianë, 24.6% spanjollë, 11,6% portugezë, 15.1% të tjerë
43. Mali i Zi me 628,066 banorë: 45% malazezë, 28.7% serbë, 8.6% boshnjakë, 5% shqiptarë, 12.7% të tjerë

Le të përmendim se shifrat e Greqisë dhe Francës nuk kanë referencë zyrtare, sepse këto shtete nuk njohin kombësi apo etni tjetër veç asaj greke në Greqi, dhe asaj franceze në Francë.

Gjithashtu, mund të habitemi se si ka mundësi që Shqipëria dhe Kosova janë në krye të listës sa i takon homogjenitetit të popullsisë. Kjo është krejt e natyrshme kur kujtojmë se sa territor dhe popullsi i është suprimuar Shqipërisë, përfshirë edhe Kosovën.

Natyrisht, popullsia më hetereogjene gjendet nëpër kufij. Sa i takon Shqipërisë dhe Kosovës, ato, jashtë kufijve të tyre janë të rrethuara me shqiptarë. Ka mundësi që e njëjta logjikë të mund të jetë e aplikueshme edhe për rastin e Polonisë, por gjithsesi, për këtë duhen marrë në konsideratë faktet historike.

Faktin se dy shtetet shqiptarë e kanë të pamundur multietnicitetin e terrenit për shkak të pushtimeve të territoreve që u janë bërë, e provon edhe vetë heterogjeniteti i lartë që kanë fqinjët e Shqipërisë dhe Kosovës: Serbia, Maqedonia e Veriut , Mali i Zi dhe Greqia. Të gjithë këta kanë pjesë të konsiderueshme të popullatës autoktone shqiptare brenda territorit të tyre të sotshëm.

©Rruga Press