Shpërthejnë protestat në SHBA pas vendimit të gjykatës për ta shpallur të pafajshëm Kyle Rittenhouse – adoleshenti që pati vrarë dy persona vitin e kaluar

Ka pasur thirrje për qetësi në SHBA pasi një adoleshent që vrau dy persona gjatë trazirave racore vitin e kaluar u pastrua nga të gjitha akuzat.

Sipas BBC, Kyle Rittenhouse tani 18 vjeç, argumentoi se ai po vepronte në vetëmbrojtje kur qëlloi burrat dhe plagosi një të tretë në Wisconsin.

Vendimi i të premtes, i cili pasoi një gjyq të profilit të lartë që ndau SHBA-në, ndezi protesta në disa qytete.

Por politikanët, përfshirë presidentin amerikan, Joe Biden, dhe familjet e viktimave kanë bërë thirrje për qetësi.

“Ajo që na duhet tani është drejtësia, jo më shumë dhunë”, thanë në një deklaratë avokatët e familjes së Gaige Grosskreutz, i cili u qëllua dhe u plagos nga Rittenhouse.

“I bëj thirrje të gjithëve që të shprehin pikëpamjet e tyre në mënyrë paqësore, në përputhje me sundimin e ligjit”, tha Biden jashtë Shtëpisë së Bardhë.

Pavarësisht thirrjeve për qetësi, një trazirë u shpall nga policia në qytetin e Portland, Oregon, të premten në mbrëmje, pasi rreth 200 njerëz thyen xhamat dhe hodhën sende.

Protesta gjithashtu ka pasur edhe në Çikago dhe New York. 

Rruga Press