Shënimet e Einsteinit për teorinë e relativitetit shiten për mbi 13 milionë dollarë

Një nga dorëshkrimet e Albert Einsteinit është shitur në një ankand për 13,1 milionë dollarë.

Dorëshkrimi prej 54 faqesh, është vetëm një prej dy dokumenteve të njohura, në të cilat ai paraqet teorinë e tij të famshmë të relativitetit.

Shtëpia e ankandit, Christie, e ka vlerësuar dorëshkrimin, i cili ishte autorizuar nga Michele Besso, ndërmjet 2,3 milionë dhe 3,4 milionë dollarë.

Teoria e Einsteinit hodhi bazat për kozmologjinë dhe teknologjinë moderne, siç është navigimi GPS.

Faqet ishin mbajtur në sigurinë e fizikanit zviceran Besso, një mik i ngushtë dhe partner akademik i Einsteinit, i cili ishte bashkautor i punës midis viteve 1913 dhe 1914.

“Kjo është gjithashtu ajo që e bën atë veçanërisht të rëndësishëm, duke pasur parasysh se dokumentet e punës nga Einsteini para vitit 1919 janë jashtëzakonisht të rralla”, ka thënë Vincent Belloy, një ekspert në Christie’s që organizoi ankandin në Paris.

“Einsteini është dikush që mbante shumë pak shënime, kështu që fakti i thjeshtë që dorëshkrimi mbijetoi dhe u shfaq tek ne, tashmë e bën atë absolutisht të jashtëzakonshëm”, ka vazhduar ai.

Faqet përbëhen nga llogaritje, të shkruara me bojë të zezë, në letër të zverdhur.

Ajo gjithashtu sfidon imazhin popullor të shkencëtarëve si një gjeni absolut, sepse tregon se ai ndonjëherë bënte gabime.

“Einsteini bën gabime në këtë dorëshkrim, dhe kjo mendoj se e bën atë edhe më të madh në një farë mënyre, sepse ne shohim këmbënguljen, mendimin që ishte në proces të ndërtimit, që po korrigjohet dhe ridrejtohet”, ka shtuar Belloy.

Në maj, një letër e shkruar me dorë, në të cilën Einsteini përmendte ekuacionin e tij të famshëm E=mc², u shit për rreth 1.12 milion dollarë në Shtetet e Bashkuara, më shumë se tre herë më shumë se çmimi i vlerësuar.

Teoria e përgjithshme e relativitetit të Einsteinit u botua në vitin 1915 dhe revolucionarizoi fizikën moderne, kur ai për herë të parë e përshkroi gravitacionin si një shtrembërim gjeometrik të hapësirës dhe kohës, një zbulim që mbetet i vlefshëm./koha/

RrugaPress