Shefi i Këshillit të Evropës bën thirrje për një samit urgjent për Ukrainën

Presidenti i Këshillit të Evropës, Charles Michel, ka thirrur një samit urgjent për Ukrainën, i cili do të mbahet të enjten në Bruksel.

Në një letër drejtuar vendeve anëtare të BE-së z. Michel ftoi përfaqësuesit në një “Këshill të posaçëm të Evropës, më 24 shkurt”.

“Unë do të doja që ne të diskutonim: zhvillimet e fundit, si mbrojmë rendin ndërkombëtar të bazuar në rregulla, si trajtojmë Rusinë, veçanërisht duke e mbajtur Rusinë përgjegjëse për veprimet e saj, si do të mbështesim më tej Ukrainën dhe popullin e saj,” u tha Michel vendeve anëtare.

Michel dënoi “veprimet agresive” të ndërmarra nga Rusia, të cilat ai theksoi se shkelin ligjin ndërkombëtar, integritetin territorial dhe sovranitetin e Ukrainës dhe “minojnë rendin evropian të sigurisë”.

“Është e rëndësishme që ne të vazhdojmë të jemi të bashkuar, të vendosur dhe të përcaktojmë së bashku qasjen dhe veprimet tona kolektive,” tha Michel.

Të mërkurën pasdite, Këshilli i Evropës njoftoi se kishte “miratuar një paketë masash” në përgjigje të vendimit të Rusisë për të njohur pjesët e kontrolluara nga separatistët në lindje të Ukrainës.

©Rruga Press