SHBA: Të hetohen inceneratorët, po ju monitorojmë

February 4, 2022 user 1

Ambasada amerikane në Tiranë kërkon zgjatjen e afatit të komisionit për inceneratorët.

“Forcimi i institucioneve demokratike dhe lufta kundër korrupsionit janë prioritetet e SHBA-së në Shqipëri. Mirëpresim zgjatjen e komisionit parlamentar për inceneratorët. Ne u bëjmë thirrje të gjitha autoriteteve dhe institucioneve përkatëse të shqyrtojnë dhe të ndërmarrin veprimet e duhura. Ne do ta shikojmë këtë nga afër” shkruan Yuri Kim.

Lexo më shumë Gjermania ndan 3 milionë euro për për sigurinë dhe zhvillimin e FSK-së

Por çfarë ndodhi me këtë komision?

I nisur me bujë nga PD, zyrtarisht komisioni hetimor për inceneratorët i drejtuar nga deputetja Tabaku u mbyll me 28 janar pa produkt.

Deputetja demokrate akuzonte socialistët se ishin kthyer në mburojë për aferën korruptive.

Për këtë cështje deri tani në burg ka përfunduar Lefter Koka. Ish-ministri i Mjedisit akuzohet për aferën në inceneratorin e Elbasanit. Në kërkim janë shpallur Klodian Zoto dhe Stela Gugallja.

Lexo më shumë Misioni i Këshillit të Evropës: Në zgjedhjet në Serbi pati dhunë, presion ndaj votuesve dhe prani të personave të maskuar

Rruga Press