Departamenti i Drejtësisë në SHBA po paraqet një padi antitrusti për të ndaluar konsolidimin e botuesve të librave
Departamenti i Drejtësisë po përgatitet të padisë bllokimin e një marrëveshjeje prej 2.2 miliardë dollarësh për shtëpitë botuese që pritej se do të reformonin industrinë e librit, me arsyen se konsolidimi do të dëmtonte autorët dhe, në fund të fundit, lexuesit.
Gjigandi gjerman i medias Bertelsmann’s Penguin Random House, tashmë botuesi më i madh amerikan, dëshiron të blejë Simon & Schuster me bazë në Nju Jork, autorët e të cilit përfshijnë Stephen King, Hillary Clinton dhe John Irving, nga kompania televizive dhe filmike ViacomCBS.
Departamenti i Drejtësisë ngriti një padi antitrusti në Gjykatën e Qarkut të SHBA për Distriktin e Kolumbisë të martën në veprimin e parë të madh antitrust nga administrata e re Biden, duke thënë se marrëveshja do t’i lejonte Penguin Random House “të ushtrojë ndikim të madh mbi të cilat librat botohen në Shtetet e Bashkuara të Amerikës dhe se sa shumë autorët paguhen për punën e tyre.”
“Nëse botuesi më i madh i librave në botë lejohet të blejë një nga rivalët e tij më të mëdhenj, ai do të ketë kontroll të paprecedentë mbi këtë industri të rëndësishme siç është libri. Autorët dhe konsumatorët amerikanë do të paguajnë çmimin e këtij bashkimi antikonkurrues – përparime më të ulëta për autorët dhe përfundimisht më pak libra dhe më pak shumëllojshmëri për konsumatorët”, tha në një deklaratë Prokurori i Përgjithshëm Merrick Garland.
Blerja e Simon & Schuster do të reduktonte në katër të ashtuquajturat Big Five, të cilat dominojnë botimet amerikane dhe përfshijnë HarperCollins, Hachette Book Group dhe Macmillan.
Marrëveshja ngjalli shqetësime nga shkrimtarët dhe nga botuesit rivalë. Shoqata e Autorëve, një organizatë e shkrimtarëve, ka thënë se kundërshton blerjen sepse do të kishte më pak konkurrencë për dorëshkrimet e autorëve. News Corp i Rupert Murdoch, i cili zotëron HarperCollins thuhet se kishte qenë gjithashtu i interesuar të blinte Simon & Schuster, e kritikoi marrëveshjen. Drejtori i Përgjithshëm i saj Robert Thomson tha vjeshtën e kaluar se Bertelsmann “po blinte dominimin e tregut si të ishte një gjigant librash”.
Në një deklaratë, botuesit u shprehën se do të luftonin kundër padisë dhe bllokimi i kësaj marrëveshje do të dëmtonte autorët. “Padia e Departamentit të Shtetit është e gabuar për faktet, ligjin dhe politikën publike,” tha Daniel Petrocelli, një avokat për Penguin Random House. “Ç’farë është me e rëndësishmja se Departamenti i Shtetit nuk ka gjetur dhe as nuk pretendon se ky kombinim do të zvogëlonte konkurrencën në shitjen e librave.”
Kompanitë thanë se printimet e tyre nga shtëpitë botuese do të vazhdojnë të konkurrojnë kundër njëri-tjetrit për libra pas mbylljes së marrëveshjes dhe se Penguin Random House nuk po planifikon të zvogëlojë numrin e librave të blerë ose shumat e paguara për marrëveshjet e librave.
Blerja që propozon Penguin Random House e Simon & Schuster ndjek historikun e konsolidimit në industrinë e botimeve. Vetë Penguin dhe Random House u bashkuan më pak se një dekadë më parë, në 2013. Blerjet janë intensifikuar vitet e fundit pasi botuesit kërkojnë një pozicion më të fortë negocimi me librashitësin më të madh të vendit, Amazon.com.
“Vendimi i sotëm i Departamentit të Shtetit ishte i papritur duke pasur parasysh se ka kaq shumë bashkime dhe blerje të tjera të mëdha në industrinë e botimeve që kanë kaluar në kohët e fundit u shpreh Mary Rasenberger, drejtoresha e Shoqatës së Autorëve në një deklaratë të martën.