SHBA-ja aprovon shitjen prej 23 miliard$ të avionëve F-16 për Turqinë

January 27, 2024 user 1

Departamenti Amerikan i Shtetit miratoi vendimin për shitjen e aeroplanëve F-16 në vlerë të 23 miliardë dollarëve dhe pajisjeve modernizuese për Turqinë, duke dërguar një njoftim zyrtar në Kongres.

“Kjo shitje e propozuar do të mbështesë qëllimet e politikës së jashtme dhe sigurisë kombëtare të Shteteve të Bashkuara duke përmirësuar aftësitë ajrore dhe ndërveprueshmërinë e një aleati të Organizatës së Traktatit të Atlantikut të Veriut (NATO) që është një forcë për stabilitet politik dhe ekonomik në Evropë”, njoftoi përmes një deklarate Agjencia e Bashkëpunimit të Sigurisë së Mbrojtjes së SHBA-së.

Lexo më shumë Vuçiqi i mërzitur që Mali i Zi është i pavarur: Më mirë të më pështyjnë se të shkoj atje

“Shitja e propozuar e kësaj pajisje dhe mbështetje nuk do të ndryshojë ekuilibrin bazë ushtarak në rajon”, tha ai.

Miratimi erdhi pasi Turqia paraqiti dokumente lidhur me protokollin e anëtarësimit të Suedisë në NATO, pasi ai u ratifikua të martën nga parlamenti turk, raporton aa.

Turqia i bëri një kërkesë SHBA-së në tetor të vitit 2021 për të blerë 40 aeroplanë të rinj F-16 Block 70, si dhe 79 komplete modernizimi për të përmirësuar F-16-t e mbetur në nivelin e Bllokut 70.

Kërkesa përfshin 32 aeroplanë F-16 C Block 70, 8 aeroplanë F-16 D Block 70, 48 motorë F110-GE-129D, si dhe 119 për programin e modernizimit — 79 të instaluar, 40 rezervë.

Lexo më shumë Zelenskyy akuzon Rusinë se po përpiqet ta përfshijë Bjellorusinë më thellë në luftën kundër Ukrainës

Kongresi ka të drejtë të kundërshtojë Departamentin amerikan të Shtetit brenda 15 ditëve të punës për miratimin e shitjes për një anëtarë të NATO-s, duke përfshirë Turqinë, anëtare e aleancës për më shumë se 70 vjet.

Departamenti amerikan i Shtetit njoftoi gjithashtu Kongresin të premten për shitjen e mundshme prej 8.6 miliardë dollarësh të 40 aeroplanëve F-35 dhe pajisjeve të lidhura me Greqinë.

Rruga Press