SHBA do të rrisë prodhimin e raketave, disa do t’i ofrohen Ukrainës

December 24, 2024 user 1

Departamenti Amerikan i Mbrojtjes njoftoi të hënën se i kishte dhënë Williams International një kontratë prej 253.7 milionë dollarësh sipas Aktit të Prodhimit të Mbrojtjes (DPA) për të rritur prodhimin e raketave, duke përfshirë si pjesë të programeve të ndihmës ushtarake për Ukrainën.

Kështu thuhet në faqen e internetit të Pentagonit, transmeton Ukrinform.

Lexo më shumë Anija ruse e mallrave nën sanksione, dhe e përdorur nga Rusia për tranportin e armëve nga Siria, Ursa Major mbytet në Mesdhe pas shpërthimit

Siç është bërë e ditur, kjo kontratë do t’i lejojë Williams-it të rrisë kapacitetin e prodhimit për të përmbushur nevojat e Departamentit të Mbrojtjes të SHBA-së.

Lajmi vjen në të njëjtën kohë, kur mediat ukrainase raportojnë se që nga fillimi i agresionit të plotë mbi Ukrainë, Rusia vlerësohet të ketë pësuar gjithsej 777,720 viktima, duke përfshirë 1,630 të vrarë ose të plagosur vetëm gjatë ditës së kaluar.

Lexo më shumë NASA gati për fluturimin historik në atmosferën e Diellit – a do t’i mbijetojë anija temperaturave ekstreme?

Kjo është sipas Shtabit të Përgjithshëm të Forcave të Armatosura të Ukrainës, raporton Ukrinform.

Gjithashtu, Forcat e Mbrojtjes së Ukrainës kanë shkatërruar 9,624 (+9) tanke ruse, 19,915 (+30) automjete luftarake të blinduara, 21,323 (+10) sisteme artilerie, 1,256 raketahedhës të shumëfishtë, 1,030 sisteme të mbrojtjes ajrore, 369 avionë luftarakë – dhe jo vetëm.

Rruga Press