Serwer i reagon ashpër Lajçakut për takimin me Vuçiqin

Eksperti amerikan, Daniel Serwer ka reaguar pasi emisari evropian për dialogun, Miroslav Lajçak pas takimit me presidentin serb, Aleksandër Vuçiq, nuk përmendi sulmin e 24 shtatorit në veri të Kosovës.

Serwer përmes një shkrimi në rrjetin social Twitter, ka thënë se Lajçak s’e tha asnjë fjalë për këtë sulm “të sponsorizuar nga Beogradi”, apo për mashtrimin në zgjedhje e përafrimin e Serbisë me diktatorë.

“Asnjë fjalë për sulmin terrorist të 24 shtatorit të sponsorizuar nga Beogradi, mashtrimin në zgjedhjet e 17 dhjetorit në Beograd apo përafrimin në rritje të Serbisë me diktatorët.” – ka thënë ai.

Not a word about the September 24 terrorist attack Belgrade sponsored, the fraudulent December 17 election in Belgrade, or Serbia’s increasing alignment with dictators. https://t.co/pgDqLqqUrW

— peacefare.net (@DanielSerwer) January 29, 2024

Ndërkohë, Lajçak dje qëndroi në Serbi, ku folën për përspektivën e vitit 2024 dhe hapat e ardhshëm në dialog.

Ai sot pritet të qëndrojë në Kosovë për vizitë, ku do të zhvillojë takime me liderët e vendit.

Rruga Press