Serbia dërgon vaksina antiCovid në Mitrovicë/ Kryetari i Odës së Farmacistëve: Shkeli ligjin

December 26, 2020 user 1

Kryetari i Odës së Farmacistëve të Kosovës, Arianit Jakupi ka reaguar pasi vaksina kundër Covid-19 janë dërguar në veri të vendit nga Ministria e Shëndetësisë së Serbisë. Jakupi ka thënë se vaksinat konsiderohen produkte medicinale dhe si të tilla i nënshtrohen autorizimit për marketing-regjistrimit në AKPPM. Po ashtu. pas regjistrimit për çdo import duhet të merret leja për import e cila gjithashtu merret nga AKPPM.

Lexo më shumë Kurti kryetarëve të komunave ua prezanton arritjet: T’i vazhdojmë bashkë punët e nisura

“Sa i përket furnizimit të qyteteve në veri nuk ka ndonjë dallim me qytetet tjera, me gjithë tendencën dhe kërkesat përgjatë viteve, por kjo çështje ligjërisht ka përfunduar në Bruksel në vitin 2014 dhe këto procedura vlejnë për tërë territorin e Republikës së Kosovës dhe për të gjitha produktet medicinale nga cilido prodhues qofshin”, thotë Jakupi.

Lexo më shumë Bislimi: Kosova mund t’i përfitojë 882 milionë euro nga reformat e dakorduara me BE-në

Më tej ai ka shtuar se “çdo procedurë që përfshin produktet medicinale pa marrë leje nga AKPPM është shkelje e ligjeve të Republikës së Kosovës dhe gjithashtu shkelje e marëveshjes së Brukselit”.

Rruga Press