Senatori Peters takohet me ministren Gervalla: Një marrëdhënie e fortë SHBA-Kosovë, thelbësore për sigurinë në Ballkan
Senatori amerikan nga Michigani, Gary Peters ka takuar ministren e Punëve të Jashtme të Republikës së Kosovës, Donika Gërvalla.
Peters në një postim në X shkruan se një marrëdhënie e fortë ndërmjet SHBA-së dhe Kosovës është thelbësore për stabilitetin, paqen dhe sigurinë në rajon.
“Më vjen mirë që u takova me ministren e Jashtme të Kosovës, Donika Gërvalla. Një marrëdhënie e fortë midis dy kombeve tona është thelbësore për stabilitetin, paqen dhe sigurinë në rajon”, shkruan ai.
Ndryshe, disa javë më parë bashkëkryesuesit e Grupit për Çështje Shqiptare në Senatin e SHBA-ve, senatorja Joni Ernst (republikane nga Iowa) dhe senatori Gary Peters (demokrat nga Michigan) i kanë drejtuar letër Sekretarit të Shtetit të SHBA-ve, Antony Blinken, edhe për Luginën e Preshevës dhe kauzën e drejtë të shqiptarëve etnikë atje.
Great to meet with @gervallaschwarz — the foreign minister of Kosovo.
— Senator Gary Peters (@SenGaryPeters) October 26, 2023
A strong relationship between our two nations is essential for stability, peace, and security in the region. pic.twitter.com/ZtsOkD2uMd
Rruga Press