Senatori amerikan Graham bën thirrje për ‘shkatërrimin’ e rublës dhe sektorit rus të naftës dhe gazit në përgjigje të agresionit të Putinit

Senatori amerikan Lindsey Graham bëri thirrje që të “shkatërrohet rubla dhe të shtypet sektori rus i naftës dhe gazit” në përgjigje të agresionit të presidentit rus Vladimir Putin në Ukrainë.

Grahami e bëri thirrjen në një postim në Twitter, të postuar pas fjalimit të Putinit, në të cilin ai njohu pavarësinë e zonave separatiste të Republikës Popullore të Donetsk dhe të Republikës Popullore Luhansk të Ukrainës.

“Kur bëhet fjalë për banditë si Putini që prishin rendin botëror dhe shkatërrojnë demokracitë – mjaft është mjaft”, shkroi senatori Graham.

“Vendimi i Putinit për të shpallur Donetskun lindor dhe Luhanskun si rajone të pavarura brenda Ukrainës është njëkohësisht shkelje e Marrëveshjeve të Minskut dhe shpallje lufte kundër popullit të Ukrainës”, vazhdoi republikani nga Karolina e Jugut.

Putin’s decision to declare eastern Donetsk and Luhansk as independent regions within Ukraine is both a violation of the Minsk Agreements and a declaration of war against the people of Ukraine.

— Lindsey Graham (@LindseyGrahamSC) February 21, 2022

“Vendimi i tij duhet të përballet menjëherë me sanksione të forta për të shkatërruar rublën dhe për të shtypur sektorin rus të naftës dhe gazit”, shtoi Graham.

Situata në Ukrainë është bërë e rëndë, me njohjen e qeverive separatiste nga Putini që ka të ngjarë të çojë në konflikt.

©Rruga Press