Lajme

Sekuestrohen 39.000 euro dhe një pajisje për prodhimin e kriptomonedhave në pikën kufitare Morinë

Policia Kufitare, në bashkëpunim me strukturat hetimore të DVP Kukës dhe autoritetet doganore, godet një rast të mosdeklarimit të të hollave në kufi.Sekuestrohen 39.000 euro dhe një pajisje për prodhimin e kriptomonedhave. Shërbimet e Policisë Kufitare në Morinë, si rezultat i kontrolleve të shtuara, me qëllim parandalimin dhe goditjen e paligjshmërisë, bazuar në analizën e riskut, në hyrje të RSH-së, në bashkëpunim me strukturat hetimore të DVP Kukës dhe autoritetet doganore, kanë kaluar në vijën e dytë, për kontroll më të imtësishëm, automjetin me drejtues shtetasin B. B., 33 vjeç, banues në Maqedoninë e Veriut.

Lexo më shumë  Dy vjet nga protestat e dhunshme në Zveçan, më shumë se 90 ushtarë të KFOR-it u plagosën

Gjatë kontrollit të ushtruar në automjet, shërbimet e Policisë gjetën dhe sekuestruan 39.000 euro, të cilat ky shtetas nuk i kishte deklaruar, si dhe një pajisje që dyshohet se përdoret për prodhimin e kriptomonedhave.

Në përfundim të veprimeve të para të kryera nga specialistët e Seksionit për Hetimin e Krimit Ekonomik e Financiar në DVP Kukës, u procedua penalisht drejtuesi i mjetit, shtetasi B. B., për veprën penale “Mosdeklarimi i të hollave dhe i sendeve me vlerë në kufi”.Materialet do t’i kalojnë Prokurorisë së Rrethit Gjyqësor Kukës, për veprime të mëtejshme.
INFO BURIMI : POLICIA E SHTETIT/FB

Lexo më shumë  Narko-eurot përmbytin tregun/ Bankat të shqetësuara për çmimet e pronave në Shqipëri

RrugaPress

YouTube player

Leave a Reply

Your email address will not be published. Required fields are marked *

sqhrenfrdeit