Sektori privat është çelësi për të luftuar korrupsionin
Ndërsa bota vazhdon t’i përgjigjet pandemisë COVID-19, krizës klimatike dhe pasigurisë ekonomike, korrupsioni gjithashtu duhet të trajtohet.
Nga ndërmarrjet e vogla dhe të mesme deri te korporatat shumëkombëshe, dhe për vendet në mbarë botën, të gjithë mbajnë barrën e korrupsionit.
Ashtu si pandemia e COVID-19 dhe ndryshimet klimatike, korrupsioni është një problem transnacional dhe multisektorial që kërkon zgjidhje transnacionale dhe multisektoriale.
Sesioni i nëntë i Konferencës së Shteteve Palë në Konventën e Kombeve të Bashkuara kundër Korrupsionit (UNCAC) vjen mes sfidave urgjente globale. Ndërsa bota vazhdon t’i përgjigjet pandemisë COVID-19, krizës klimatike dhe pasigurisë ekonomike në rritje, është thelbësore që ne të trajtojmë gjithashtu çështjen e korrupsionit, sepse integriteti dhe transparenca e korporatave dhe politikave janë integrale për realizimin e të ardhmes së barabartë dhe të qëndrueshme që po përpiqen të arrijnë.
Nevojiten përpjekje kundër korrupsionit në mënyrë që të mund të investojmë në mënyrë efektive në prioritetet urgjente. Triliona dollarë që qeveritë dhe bizneset po shpenzojnë, për rigjallërimin e ekonomisë, janë në rrezik të dobësohen nëse këto fonde bëhen terren pjellor për korrupsion. Sipas disa vlerësimeve, kostoja vjetore e korrupsionit është mbi 3.5 trilion dollarë kapital, ku mund të financojë më shumë se 300 miliardë dollarë koston e vlerësuar të përshtatjes klimatike në ekonomitë në zhvillim.
Si të trajtohet korrupsioni
Por të dish se duhet të trajtojmë korrupsionin është vetëm një pjesë e historisë. Tjetra është se si ne do ta bëjmë atë. Këtu, sfidat me të cilat po përballemi janë udhëzuese. Ashtu si pandemia dhe kriza klimatike kërkojnë secila bashkëpunim global, po ashtu kërkon edhe beteja kundër korrupsionit. Fakti që 188 shtete janë palë në Konventën kundër Korrupsionit flet për njohjen se një angazhim kolektiv është vendimtar për përmbushjen e objektivave tona kundër korrupsionit.
E rëndësishme, kur flasim për veprim kolektiv, ai duhet të nënkuptojë gjithashtu natyrën shumëpalëshe, sepse asnjë vend, kompani apo industri e vetme, nuk mund t’i arrijë qëllimet e tij kundër korrupsionit vetë. Nga ndërmarrjet e vogla dhe të mesme deri te korporatat shumëkombëshe dhe për vendet në mbarë botën, të gjithë mbajnë barrën e korrupsionit, edhe nëse ai nuk është brenda sallave të këshillit apo kufijve të tyre. Prandaj, çdo palë e interesuar duhet të jetë pjesë e zgjidhjes. Neni 12 i Konventës kundër Korrupsionit, trajton drejtpërdrejt rëndësinë e angazhimit të sektorit privat në luftën kundër korrupsionit. Konventa inkurajon shtetet palë që të jenë partnerë me entitete private dhe të ndihmojnë në zhvillimin e masave mbrojtëse kundër korrupsionit të korporatave, duke përfshirë kontrollet e konfliktit, detyrimet e zbulimit dhe standardet e kontabilitetit dhe auditimit. Përpjekjet globale për të luftuar korrupsionin; Forumi Ekonomik Botëror, Organizata Ndërkombëtare për Bashkëpunim Publik-Privat, po drejton nisma novatore për të bashkuar palët e interesuara nga biznesi, qeveria dhe shoqëria civile për të nxitur një agjendë kundër korrupsionit.
Iniciativa e Partneritetit Kundër Korrupsionit (PACI) përbëhet nga 90 kompani nga të gjitha industritë dhe shërben si platforma kryesore e drejtuar nga CEO për luftimin e korrupsionit global. Ky komunitet jo vetëm që krijon një mjedis të virtytshëm mes vete, në të cilin drejtuesit përforcojnë angazhimet dhe veprimet kundër korrupsionit, por ai dërgon edhe një sinjal të fuqishëm tregu.
Përkatësisht, kompanitë lider në botë kanë zero tolerancë ndaj korrupsionit dhe janë të gatshme të punojnë kolektivisht përtej kufijve sektorialë për ta frenuar atë. Qershorin e kaluar, PACI lançoi një Kuadër Unifikimi për ndërmjetësit e sektorit privat, të njohur si “garkeepers”, të cilët janë të pozicionuar për të parandaluar ose ndërprerë flukset e paligjshme financiare. Korniza, e zhvilluar në partneritet me Këshillin Global Future të Forumit për Transparencën dhe Kundër Korrupsionit, UNOCD-Iniciativën e Bankës Botërore STAR dhe drejtues nga sektori privat, synon të bashkojë një gamë të gjerë profesionistësh të sektorit privat dhe të shërbejë si një mekanizëm për plotësimin, duke përforcuar ose përmirësuar masat rregullatore ekzistuese.
Përpjekjet rajonale për të luftuar korrupsionin
Në mënyrë të ngjashme, nismat rajonale po rrisin standardet kundër korrupsionit brenda sektorit privat. Iniciativa Pearl, për shembull, mbledh drejtuesit e sektorit publik dhe privat për të promovuar llogaridhënien dhe transparencën e korporatave në të gjithë Rajonin e Gjirit. Dhe Rrjeti Detar Kundër Korrupsionit (MACN) shfrytëzon partneritetet lokale për të çliruar portet dhe kanalet nga korrupsioni. Përpjekjet e MACN kanë përfituar veçanërisht një nga kanalet detare thelbësore në botë, Kanali i Suezit, duke reduktuar kërkesat për pagesa lehtësuese dhe duke përmirësuar ndjeshëm mjedisin operativ për të gjitha palët e interesuara.
E përbashkëta e këtyre nismave është ideja e integritetit përtej pajtueshmërisë. Ndërsa respektimi i ligjeve kundër korrupsionit është thelbësor, ai shpesh është i pamjaftueshëm. Për të arritur tregje vërtet transparente, të përgjegjshme dhe të ndershme, drejtuesit e korporatave e kuptojnë gjithnjë e më shumë se ata shpesh duhet të shkojnë përtej asaj që kërkohet rreptësisht sipas ligjit për të ndërtuar një kulturë integriteti brenda organizatave të tyre. Ndërsa shikojmë drejt së ardhmes, antikorrupsioni efektiv duhet kuptuar si një themel i domosdoshëm i një planeti të shëndetshëm dhe të begatë.
Ashtu si pandemia e COVID-19 dhe ndryshimet klimatike, korrupsioni është një problem transnacional dhe multisektorial që kërkon zgjidhje transnacionale dhe multisektoriale. Veprimi kolektiv dhe bashkëpunimi publik-privat do të rezultojnë thelbësore në muajt dhe vitet e ardhshme, ndërsa ne formojmë një botë më të barabartë pas pandemisë dhe një të ardhme më të qëndrueshme.
© Rruga Press
