Sarandë/ Ujërat e zeza derdhen në det, banorët: Ky është skandal
Kryerja e punimeve për rehabilitimin e një segmenti të rrjetit të kanalizimeve, në Sarandë ka bllokuar qarkullimin në qytet.
Punimet pranë kryqëzimit të rrugës “Skënderbeu” me atë “Butrinti”, kanë devijuar internerarin.
Kështu linja e transportit publik Sarandë-Butrint, është kthyer në një makth, për shkak se shoferët duhet të bëjnë gati dyfishin e rrugës.
Ndërhyrja e nisur në 8 nëntor duhet të kishte përfunduar në 15 dhjetor, por punimet vazhdojnë ende dhe me ritme të ngadalta.
Skandali në Bashkinë e drejtuar nga Adrian Gurma nuk mbaron këtu.Të gjitha ujërat e zeza po shkarkohen në det.
“Është skandal. Përsëri vazhdojnë hidhen ujërat e zeza në qytet, është e pafalshme. Nuk e pranon asnjëri këtë. Në një kohë që është bërë investimi.”
Ende nuk dihet data e përfundimit të punimeve pasi në zonat e kantierit mungojnë edhe tabelat e transparencës ku janë të afishuara afatet ligjore të punimeve.
Rruga Press