Sa pranë është NATO të bëhet palë në luftën mes Ukrainës dhe Rusisë?

Ka pasur shqetësime në rritje për sulmet e vazhdueshme ruse aq afër kufirit të vendeve të aleancës më të fuqishme ushtarake në botë NATO-s.

Por, a do të përgjigjet NATO?

Analisti ushtarak britanik, Sean Bell, ka folur për skynews dhe ka dhënë disa detaje interesante.

Brenda natës, Rusia nisi një tjetër valë masive sulmesh me dron në të gjithë Ukrainën, me fokusin kryesor në portin e lumit Danub të Ukrainës, Izmail.

Ukraina pretendon se ata rrëzuan 25 nga 33 dronët, por Rusia ende dëmtoi infrastrukturën portuale, një magazinë gruri dhe një ndërtesë administrative.

Kjo seri e fundit sulmesh është një përpjekje e hapur për të ndaluar eksportet e grurit të Ukrainës pas tërheqjes së Rusisë nga marrëveshja e drithit në Detin e Zi në muajin korrik.

Sulmet ndaj drithit/ushqimit është i paligjshëm sipas ligjit ndërkombëtar dhe janë të varfrit si dhe të uriturit në botë që vuajnë më shumë se sa palët e përfshira në luftë.

Shqetësim në rritje janë sulmet e vazhdueshme ruse aq afër kufirit të NATO-s. Lumi Danubi është vetëm disa qindra metra i gjerë në portet e Renit dhe Izmail, dhe lumi shënon kufirin midis Ukrainës dhe Rumanisë.

Dronët rusë fluturojnë qindra milje përpara se të godasin objektivat e tyre, kështu që ekziston një potencial i rëndësishëm për llogaritje të gabuara.

Të hënën, Ukraina pretendoi se një dron rus kishte goditur dhe shpërthyer në territorin rumun – një pretendim që Ministri rumun i Mbrojtjes e mohoi në atë kohë.

Megjithatë, dje presidenti rumun deklaroi se mbeturinat e dronit kishin rënë vërtet në Rumani, megjithëse sot NATO këshilloi se nuk kishte asnjë indikacion se mbeturinat e dronit ishin shkaktuar nga një sulm i qëllimshëm ndaj NATO-s.Megjithëse është në interesin e NATO-s dhe Rusisë që të shmanget çdo konfrontim i drejtpërdrejtë midis superfuqive, sulmet e vazhdueshme të Rusisë në portet e Danubit ukrainas – vetëm qindra metra nga kufijtë e NATO-s – mbartin një rrezik të madh të llogaritjes së gabuar dhe përshkallëzimit të mundshëm, me pasoja të rëndësishme për sigurinë globale.

Rruga Press