Rusia thotë se marrëdhëniet me SHBA-në janë “përtokë”
Marrëdhëniet midis Moskës dhe Uashingtonit janë “përtokë”, i tha Kremlini agjencisë ruse të lajmeve RIA, transmeton Rruga Press.
Zëdhënësi i Kremlinit Dmitry Peskov tha se kishte disa kanale për dialog, por se lidhjet në fusha të tjera ishin të tendosura.
“Krerët e shteteve janë në dialog, ka dialog në fronte të tjera,” citoi RIA të ketë thënë Peskov në një intervistë.
Presidenti rus Vladimir Putin dhe homologu i tij amerikan Joe Biden kanë qenë në kontakt me telefon të shtunën. “Disa vite më parë kishte zero dialog, nuk kishte asnjë kontakt të tillë”, tha Peskov.
“Por për pjesën tjetër, për fat të keq, në marrëdhëniet dypalëshe mund të flitet vetëm për rekorde negative. Jemi në një pikë shumë, shumë të ulët. Marrëdhenia në fakt është e shtrirë përtokë,” shtoi ai.
Rruga Press