Rusia ndalon fluturimet nga transportuesit bullgarë, polakë dhe çekë

Autoriteti rus i Aviacionit Civil ka mbyllur hapësirën e tij ajrore për fluturimet nga transportuesit ose avionët e regjistruar në Bullgari, Poloni dhe Republikën Çeke.

“Ky vendim është marrë në përputhje me normat e së drejtës ndërkombëtare si përgjigje ndaj ndalimit të të gjitha fluturimeve civile të avionëve të operuar nga transportuesit ajrorë rusë dhe/ose të regjistruar në Rusi për/nga territori i këtyre shteteve”, ka bërë të ditur Aviacioni Civil rus në një deklaratë të shtunën.

Të premten, Agjencia Federale e Rusisë për Transportin Ajror, Rosaviatsia, vendosi një ndalim për fluturimet e regjistruara në Mbretërinë e Bashkuar ose fluturimet e avionëve në pronësi, me qira ose të operuar nga një person i lidhur me Mbretërinë e Bashkuar, që të kalojnë transit nëpër hapësirën ajrore të vendit.

Ndalimi ishte përgjigje kundrejt Britanisë së Madhe e cila vendosi t’i ndalonte avionët civilë rusë nga hapësira e saj ajrore./koha/

Rruga Press