Rusët po e kuptojnë të vërtetën për Ukrainën përmes pornografisë

Gjashtë javë pas pushtimit të shtetit të saj, Anastasiya Baydachenko bëri një lutje emocionale. Ajo kërkonte para: jo për armë a rroba, por për reklama.

Presidenti Vladimir Putini në mënyrë agresive ka krijuar mburojë të madhe në internetin në Rusi dhe konsiderohet se shumë rusë nuk e kanë të qartë që shteti i tyre ka nisur pushtimin e Ukrainës. Si shefe ekzekutive në një kompani të marketingut digjital në Ukrainë, Baydachenko gjeti një rrugë për të depërtuar. Plani ishte i thjeshtë: Blerja e hapësirave të reklamave në uebfaqet në Rusi e Bjellorusi dhe shfrytëzimi i tyre për t’i lidhur me lajmet e pavarura për luftën në Ukrainë. Reklamat mund të ishin të drejtpërdrejta, të tërthorta apo të kamufluara me tituj për të shmangur censurat potenciale.

Fillimisht, Baydachenko pati në cak uebfaqet me trafik të madh si Google, YouTube e Facebook. Megjithatë detyra vështirësohej dita-ditës. Prezantimi i ligjit për “lajme të rreme” në Rusi bllokoi internetin në masë të madhe. Dhe Baydachenko kaloi në nivel tjetër: në botën e bixhozit dhe pornografisë. Këto faqe janë të përsosura për këtë – pak kontroll, audiencë e madhe e s’dihet kush janë njerëzit prapa tyre. Pasi gjithçka rrezikon të dështojë, ajo po e lufton Putinin përmes pornografisë.

Baydachenko s’ishte e vetme. Ajo ishte pjesë e një rrjeti të madh dhe përmes këtij rrjeti mori paratë. Operacioni u zgjerua me kalimin e kohës dhe Baydachenko e di se reklamat kanë arritur te qindra miliona rusë.

Kjo është vetëm një nga mënyrat se si platformat digjitale po gjejnë zbrazëtira për të sfiduar kontrollin e Putinit. Muajin e shkuar, hakerët lëshuan himnin ukrainas në versionin mobil të radiostacionit të lajmeve “kommersant” dhe apeluan për dhënien fund të luftës./TheGuardian

Rruga Press