Rumani, autoritetet bastisin kompaninë serbe të naftës, degë e Gazprom

Autoritetet rumune kanë bastisur objektet e një kompanie serbe të naftës të kontrolluar nga gjiganti rus Gazprom, NIS Petrol, si pjesë e një hetimi mbi një sinjalizim të marrë, thanë sot prokurorët.

Tetë punëtorë të NIS Petrol janë marrë në pyetje dje, të hënën, thuhet në njoftimin e Drejtorisë për Hetimin e Krimit të Organizuar dhe Terrorizmit, pa specifikuar nëse punëtorët janë marrë në paraburgim.

Pas këtyre hetimeve, katër punonjës janë tashmë nën hetim. Ata u liruan, tha një përfaqësues i prokurorit për AFP sot.

Ata dyshohet se i kanë kaluar raporte konfidenciale mbi fushat e naftës kompanisë së tyre mëmë në Beograd, në vendin që është një nga prodhuesit më të mëdhenj të gazit natyror dhe naftës në Bashkimin Evropian.

Lexo më shumë  Pikaset një tjetër balonë “spiune” kineze, këtë herë mbi Amerikën e Jugut

Prokurorët gjithashtu pretendojnë “transferim të paautorizuar të të dhënave kompjuterike”.

Operacioni u zhvillua në kryeqytetin Bukuresht dhe në Timisoara (perëndim).

NIS Petrol ka qenë aktive në Rumani prej disa vitesh dhe menaxhon gjashtë fusha koncesionare të naftës dhe gazit në rajonet Bihor dhe Timisoara, pranë kufirit me Serbinë.

Kompania zotëron gjithashtu 19 pika karburanti të Gazprom në territorin rumun.

Kjo ish-kompani shtetërore u privatizua pjesërisht në fund të viteve 2000, me grupin Gazprom që u bë më pas aksioneri kryesor. Shteti serb ende zotëron pothuajse 30% të aksioneve të kompanisë.

Lexo më shumë  ISW: Ofensiva e madhe ruse do të përfundojë në prill dhe nuk do të jetë e suksesshme

Presidenti serb Aleksandar Vuçiç përjashtoi çdo përgjegjësi nga ana e shtetit serb, mes tensioneve të forta në Evropë për energjinë.

“Kjo nuk ka të bëjë me luftën energjetike, është një luftë politike dhe një luftë spiunazhi për të disiplinuar disa (vende) që konsiderohen të pabindur,” tha ai, sipas televizionit N1.

Beogradi e ka dënuar pushtimin e Ukrainës në OKB, por refuzon të bashkohet me sanksionet evropiane kundër Moskës.

Rruga Press

YouTube player

Leave a Reply

Your email address will not be published. Required fields are marked *

AlbanianEnglishFrenchGermanItalianPortuguese