Rubla ruse arrin nivelin më të ulët në 32 muaj kundrejt dollarit

November 27, 2024 user 1

Rubla ruse ka rënë në nivelin më të ulët kundrejt dollarit që nga javët e para të pushtimit të plotë të Ukrainës nga Rusia.

Sot, monedha ruse ka arritur në 110 për herë të parë që nga 16 marsi i vitit 2022.

Para luftës, rubla tregtohej rreth 75-80 kundrejt dollarit amerikan, shkruan skynews.

Lexo më shumë Shefi i NATO-s: Rusët humbasin më shumë ushtarë në muaj sesa humbi ShBA-ja në të gjithë Luftën e Vietnamit

Ajo gjithashtu ka rënë nën 15 kundrejt juanit kinez, gjithashtu niveli më i ulët që nga marsi i vitit 2022.

Rënia ka ndodhur pas vendosjes së sanksioneve nga SHBA-ja ndaj bankës së tretë më të madhe të Rusisë, Gazprombank, e cila menaxhon tregtinë e energjisë.

Ndryshe, Banka Qendrore e Rusisë njoftoi të mërkurën se do të ndalojë blerjen e monedhave të huaja për të lehtësuar presionin mbi tregjet financiare.

Lexo më shumë Dronët ukrainas godasin sërish rafinerinë më të madhe të naftës në Rusi, pasi përshkuan afro 3.000 kilometra

Rruga Press