Rritja e karburanteve prek drejtpërdrejt fermerët, Në Fier mungojnë subvencionet, fermerët: Po falimentojmë
Fermerët në Fier ankohen për rritjen e çmimeve, ndërsa thonë se shteti nuk po i ndihmon në asnjë mënyrë at. Ata shprehen se zgjidhja e vetme në këto kushte është shitja e bagëtive dhe lënia e bujqësisë.
Fermerët dhe blegtorët e zonës së Sektor Semanit në Fier po kalojnë një periudhë pasigurie dhe frike për të ardhmen.
Çmimi i naftës ka prekur vlerat më të mëdha ndonjëherë në vendin tonë, ndërsa bashkë me karburantin janë rritur pothuajse të gjitha produktet e tjera që për fermerët po bëhet e papërballueshme.
“Jemi zero. Nafta ka shkuar 2 mijë lekë litri. Shteti e ka në dorë sepse me këto mbahen të gjitha punët”
“Çmimet janë në stratosferë, sidomos nafta. Toka nuk po punohet.”
Thonë se ndihma e shtetit për ta nuk ekziston.
“Ministrja mund të bëjë shumë gjëra e fjalë, por nuk e di kush është ministre. Se kam parë që të ngrejë problemin e fermerëve.”
Të gjendur përballë rritjes së çmimeve, dhe neglizhencës së shtetit, ata thonë se e vetmja zgjidhje është që të mos merren më as me bujqësi e as me blegtori.
“I bie që edhe pse kemi një jetë të tërë që merremi me këtë punë, do të detyrohemi t’i heqim.”
Ky vit ka qenë një periudhe e vështirë për fermerët e Fierit pasi ata disa herë kanë shprehur zhgënjimin e tyre si me farërat, me përmbytjet dhe me mungesën e tregut për produktet./ora/
Rruga Press