Rritet ndjeshëm fatura e pagave te Man United, CR7 shkaku kryesor

Juventusi shiti Cristiano Ronaldon te Manchester United dhe ylli portugez pothuajse i vetëm rriti faturën e pagave në Old Trafford me mbi 20 për qind.

Sipas gazetës Mirror, CR7 fiton 550,000 £ në javë dhe kjo është kryesisht përgjegjëse për një rritje të madhe në paratë e paguara nga ky klub për pagat.

Me ardhjen e tij, nënshkrimet e Raphael Varane, Jadon Sancho dhe Tom Heaton, fatura e pagave të Manchester United është rritur me pothuajse 1.3 milion £ në javë.

Kjo është një rritje prej 23.1 për qind në shumën që klubi po paguante në paga në këtë kohë të vitit të kaluar.

Ronaldo ishte lojtari më i paguar në historinë e Serie A me një kontratë të raportuar prej 30 milionë euro në sezon me Juventusin.

Tani ai është edhe lojtari më i paguar në historinë e Premierligës, duke u transferuar për shkak të kontratës te Manchester United.

36-vjeçari me siguri ka pasur një ndikim në fushë si dhe jashtë saj që kur bëri lëvizjen, pasi ai shënoi nëntë gola në 12 ndeshje për Manchester United këtë sezon midis Premier League dhe Champions League.

Rruga Press