“Rritet” gjeli i detit, çmimi para festave shkon në 1000 lekë për kilogram

Tregu i gjelave të detit në në Baldushk nuk bën përjashtim nga zinxhiri i rritjes së çmimeve në të gjithë vendin. Këtë vit në prag të festave, gjeli i detit po shitet me 1 mijë lekë nga 800 që ka qenë një vit më parë. Shkak sipas fermerëve është bërë rritja e çmimit të mistrit, por edhe një sëmundje që ka reduktuar numrin e krerëve në dispozicion.

Siç është bërë traditë tashmë, tryezës së familjeve shqiptare nuk ka si t’u mungojë natën e ndërrimit të viteve gjeli apo pula e detit. Por këtë vit edhe çmimi i tyre për kg ka pësuar rritje në krahasim me vitin e shkuar.

Fermerët në Baldushk thonë se zinxhiri i rritjes së çmimeve ka prekur dhe tregun e shpendëve.

Çmimi i shitjes luhatet nga 800 lekë kilogrami që ishte një vit më parë në 900-1000 lekë kilogrami këtë vit.

Shkak për këtë thonë se është rritja e çmimit të mistrit.

“Ka shku misri 70-80 mijë kuintali. Kanë për të shku dhe 12 mijë lekë pulat dhe gjelat.”

“80 mijë lekë kuintali i misrit.”

Këtë sezon një tjetër dëm është krijuar nga një sëmundje që ka sjellë edhe reduktimin e krerëve në dispozicion për tu tregtuar.

“Janë shfarosur të gjithë ku ka ra.”

Bajram Balla, fermer i kësaj njësie administrative, tregon se  prenotimet kanë nisur që para një muaji.

“Kam klientë prej 20 e ca vitesh, është vend i pastër, nuk ka moçale.”

Me afrimin e festave pritet që edhe pika e posaçme e tregtimit të gjelave të hapet në ditët në vijim për të mësuar nëse çmimi do të jetë po i njëjti apo më i lartë.

Rruga Press