Rrëzohen muret e Lissusit Antik, banorët nën kalanë e Lezhës: Rrëshqitjet na rrezikojnë jetën
Me reshjet e shiut është rikthyer edhe rrëshqitja e gurëve nga Kalaja e Lezhës. Banorët që jetojnë pranë mureve antike, thonë se fenomeni ka nisur 4 vite më parë por institucionet nuk kanë marrë masa parandaluese.
Gurët nga Kalaja e Lezhës nisën të rrëshqasin pas reshjeve të shiut.
Ato tanimë janë kthyer në një kërcënim, për zonën e banuar në anën veriore të kalasë së qytetit të Lezhës.
Fenomeni i nisur 4 vite më parë duket se tanimë nuk ka të ndalur.
“S’e ka vrarë njeri mendjen, u bënë 4 vjet të paktën.”
“Këtu duhet të ishin marrë masa para 30 vitesh, nuk mund të merren përnjëherë.”
Banorët e zonës e situatën e krijuar e cilësojnë të rrezikshme dhe fajësojnë institucionet se nuk kanë marrë asnjë masë.
“Janë shembur para 4 vjetësh dhe nuk i ka prekur askush.”
“Është problem.”
Krahas rrezikut për zonën e banuar, rrëshqitja e gurëve antik është një dëm i madh dhe për historinë e Lezhës./ora/