Rohingasit padisin Facebook me 150 miliardë paund për gjenocidin në Mianmar
Viktimat në veprimet ligjore në SHBA dhe Britaninë e Madhe akuzojnë platformln e mediave sociale për dështimin në parandalimin e nxitjes së dhunës.
Neglizhenca e krijuar nga Facebook lehtësoi gjenocidin e myslimanëve Rohingya në Mianmar pasi algoritmet e rrjetit të mediave sociale përforcuan gjuhën e urrejtjes dhe platforma nuk arriti të hiqte postimet nxitëse, sipas veprimeve ligjore të nisura në SHBA dhe Mbretëria e Bashkua.
Platforma përballet me pretendimet e kompensimit me vlerë më shumë se 150 miliardë paund nën lëvizjen e koordinuar në të dy anët e Atlantikut.
Një ankesë grupore e paraqitur në gjykatën e qarkut verior në San Francisko thotë se Facebook ishte “i gatshëm që të tregtonte jetët e popullit Rohingya për një depërtim më të mirë në treg në një vend të vogël në Azinë Juglindore”.
Ai shton: “Në fund, kishte kaq pak për të fituar Facebook-u nga prania e tij e vazhdueshme në Burma dhe pasojat për popullin Rohingya nuk mund të ishin më të tmerrshme. Megjithatë, përballë kësaj njohurie dhe duke zotëruar mjetet për ta ndaluar atë, Facebook thjesht vazhdoi të marshonte përpara.”
Një letër e dorëzuar nga avokatët në zyrën e Facebook në Mbretërinë e Bashkuar të hënën thotë se klientët dhe anëtarët e familjeve të tyre i janë nënshtruar akteve të “dhunës së rëndë, vrasjeve dhe/ose abuzimeve të tjera të rënda të të drejtave të njeriut” si pjesë e një fushate gjenocidi të kryer nga regjimi në pushtet dhe ekstremistët civilë në Mianmar.
Ai shton se platforma e mediave sociale, e cila u publikua në Myanmar në 2011 dhe u bë shpejt e kudogjendshme, ndihmoi procesin. Avokatët në Britani presin të paraqesin një kërkesë në gjykatën e lartë, duke përfaqësuar Rohingya në Mbretërinë e Bashkuar dhe refugjatët në kampet në Bangladeshit, në fund të 2021.
“Siç është njohur dhe raportuar gjerësisht, kjo fushatë u nxit nga materiale të shumta të publikuara dhe të përforcuara nga platforma Facebook”, thuhet në letrën nga firma ligjore McCue Jury & Partners.
Facebook pranoi në vitin 2018 se nuk kishte bërë mjaftueshëm për të parandaluar nxitjen e dhunës dhe gjuhës së urrejtjes kundër Rohingya, pakicës myslimane në Mianmar. Një raport i pavarur i porositur nga kompania zbuloi se “Facebook është bërë një mjet për ata që kërkojnë të përhapin urrejtje dhe të shkaktojnë dëm, dhe postimet janë të lidhura me dhunën jashtë Facebook”.
Letra e McCue thotë: “Pavarësisht fajësisë nga Facebook dhe deklaratave të tij për rolin e tij në botë, nuk ka pasur asnjë qindarkë të vetme kompensimi, as ndonjë formë tjetër dëmshpërblimi apo mbështetjeje, që i është ofruar ndonjë të mbijetuari”.
Në SHBA dhe Mbretërinë e Bashkuar, akuzat kundër Facebook përfshijnë: algoritmet e Facebook përforcojnë gjuhën e urrejtjes kundër popullit Rohingya; nuk arritën të investonin në moderatorë dhe kontrollues të fakteve lokale; nuk arriti të hiqte poste specifike që nxisnin dhunën kundër popullit Rohingya; dhe nuk mbylli llogari specifike apo fshiu grupe dhe faqe që inkurajonin dhunën etnike.
Ankesa e SHBA citon postimet në Facebook që u shfaqën në një raport të Reuters, me një të vitit 2013 që thoshte: “Ne duhet t’i luftojmë ata ashtu siç bëri Hitleri me hebrenjtë, mallkuar Kalarsët [një term nënçmues për popullin Rohingya]”. Një tjetër postim në vitin 2018, që tregon një fotografi të një ngarkese me refugjatë Rohingya, thotë: “Hidhni benzinë dhe vini zjarrin që ata të mund të takojnë Allahun sa më shpejt”.
Numri i Rohingya-ve të vrarë në vitin 2017, gjatë “operacioneve të pastrimit” të ushtrisë së Mianmarit, ka të ngjarë të jetë më shumë se 10,000, sipas organizatës bamirëse mjekësore Médicins sans Frontières.
Rreth 1 milion Rohingya jetojnë në kampin e refugjatëve Cox’s Bazar, në Bangladeshin juglindor, ku McCue dhe Mishcon de Reya, që gjithashtu po punojnë në çështjen me bazë në Mbretërinë e Bashkuar, presin të rekrutojnë më shumë pretendues të kësaj çështjeje.
Çështja e Mbretërisë së Bashkuar ka rreth 20 pretendues të kësaj deri më tani, ndërsa në SHBA padia e grupit shpreson të veprojë në emër të rreth 10,000 Rohingya në vend.
Informatori i Facebook, Frances Haugen, ka pretenduar se platforma po nxit dhunën etnike në vende duke përfshirë Etiopinë dhe nuk po bën sa duhet për ta ndaluar atë. Ajo tha se 87% e shpenzimeve për luftimin e dezinformatave në Facebook shpenzohen në përmbajtje angleze, ndërsa vetëm 9% e përdoruesve janë anglishtfolës.
Duke iu përgjigjur zbulimeve të Haugen, Facebook ka thënë se kishte një “strategji gjithëpërfshirëse” për vendet në rrezik konflikti dhe dhune, duke përfshirë përdorimin e folësve vendas dhe kontrolluesve të fakteve të palëve të treta.
Pronari i Facebook, Meta, është kontaktuar për komente rreth kësaj çështje bën me dije guardian.