Raporti i PPE: Polonia dhe Hungaria kërcënojnë shtetin e së drejtës në BE, duhet të merren masa për abuzuesit e ligjit

Eurodeputeti holandez dhe zëdhënësi i Grupit PPE( Partia Popullore Europiane) në Komitetin e Lirive Civile të Parlamentit Evropian, Jeroen Lenaers ka folur rreth prezantimit të raportit të sundimit të ligjit të Komisionit Europia.

”Grupi PPE mirëpret prezantimin e sotëm të raportit të sundimit të ligjit të Komisionit Evropian, i cili thekson deficitet demokratike dhe prapambetjet në BE vitin e kaluar“, tha Lenaers.

Sipas PPE, raporti u krijua për të qenë një sistem paralajmërues për shtetin e sundimit të ligjit në BE, duke vlerësuar situatën në të gjitha Shtetet Anëtare në bazë të barabartë, pa diskriminim.

“Ne kemi parë se ku sundimi i ligjit dhe të drejtat e qytetarëve janë nën kërcënim serioz – Hungaria me ligjin anti-LGBTQI + dhe Polonia e cila refuzon të zbatojë vendimet e Gjykatës Evropiane të Drejtësisë dhe ku një sistemi i një gjyqësori paralel është vendosur, janë dy shembuj të fundit ”, vazhdoi Lenaers.

BE bazohet në shtetin e së drejtës. Kërcënimet për sundimin e ligjit sfidojnë bazën ligjore, politike dhe ekonomike të BE-së. Mangësitë në një shtet anëtar ndikojnë në vendet e tjera anëtare dhe BE-në në tërësi.

“Ndërsa e mirëpresim raportin, ne besojmë se nuk është e mjaftueshme. Ne lëshuam paralajmërime por ato nuk u dëgjuan. Kur paralajmërimet nuk merren parasysh, veprimi duhet të ndiqet. Shtetet Anëtare të BE-së duhet të marrin masa vendimtare kundër atyre që abuzojnë me sundimin e ligjit “, përfundoi Lenaers.

Rruga Press