Rama propozon t’i jepet në tavolinë Serbisë çfarë nuk e mori dot me anë të terrostëve: Tërheqja e policisë nga veriu

Kryeministri i Shqipërisë, Edi Rama, ka bërë thirrje që KFOR-i ta marrë kontrollin e veriut të Kosovës për të parandaluar ndonjë konflikt më të madh, që sipas tij, sot është më i mundshëm se asnjëherë më parë.

“Për të parandaluar në çdo mënyrë këtë konflikt, që sot duket më i mundshëm se herë të tjera, KFOR-i duhet të marrë në kontroll veriun e Kosovës. Është një propozim që e kam bërë më parë, edhe në Samitin e NATO-s dhe e kam shpjeguar gjerë e gjatë pse. Çdo hezitim dhe çdo vonesë, jo s’kemi trupa apo ndonjë arsye tjetër, mund ta bëjë ndërhyrjen e nesërme të KFOR-it, shumë më të madhe në trupa dhe me shumë vështirësi”, tha ndër të tjera Rama.

Pra, Rama po propozon që Serbia të marri atë që nuk e arriti dot me sulmin terrorist, dështimin e Policisë së Kosovës dhe dështimin institucional të Kosovës për të mbajtur rendin dhe sigurinë në veri.

Faktet propozojnë të kundërtën. Policia e Kosovës u sprovua me një sulm terrorist të organizuar, që pak polici në botë përballën dhe e përballoi në mënyrën më të mirë, madje pa pasur asnjë reagim apo protestë kundër nga popullsia civile serbe e veriut të Kosovës.

Policia e Kosovës provoi që i ka kapacitetet dhe profesionalizmin për të siguruar ruajtjen e rendit kushtetues, duke i lenë KFOR-in dhe EULEX-in të ndiqnin zhvillimet në pozitën e spektatorit dhe këtë smund ta tundin propozimet e Ramës që çojnë ujë në mullirin e Vuçiqit.

Rruga Press