Raketat amerikane Atacms i shkaktojnë Rusisë humbjen e rëndësishme

Autoritetet ruse kanë pranuar për herë të parë se një sistem kyç i mbrojtjes ajrore dhe një bazë ajrore në rajonin e Kurskut u shkatërruan pasi u goditën nga Ukraina me raketa Atacms, të furnizuara nga SHBA.

Deklarata e Ministrisë së Mbrojtjes ruse, e cila premtoi gjithashtu hakmarrje, erdhi një ditë pasi Ukraina deklaroi se kishte goditur disa objektiva të rëndësishëm në front.

Tensionet kanë qenë të larta që kur SHBA lejoi Ukrainën të përdorte raketat Atacms në objektiva brenda Rusisë javën e kaluar, në përgjigje të dislokimit të trupave të Koresë së Veriut në front.

Java kulmoi me përdorimin nga Rusia të raketës së re të fuqishme balistike Oreshnik me rreze të mesme veprimi në qytetin ukrainas Dnipro.

Por sulmi i së hënës ndaj një batalioni të raketave të mbrojtjes ajrore S-400 në Lotarevka, në veriperëndim të Kursk, mund të shihet si më serioz. S-400 konsiderohet ekuivalenti më i afërt rus i sistemit raketor amerikan Patriot. Ministria e Mbrojtjes tha se tre nga pesë raketat Atacms u rrëzuan, por dy arritën në objektiv, duke dëmtuar një sistem radar dhe duke shkaktuar viktima.

Rruga Press