Qumështi “Vita” me vaj palme – Pozhari: Nuk pijnë ujë broçkullat se po luftohet biznesi vendor

Nga Xhevdet Pozhari

Alpsko prej Sllovenisë, 1 euro e 20 cent.

Vita prodhim vendor, thuajse me të njëjtin çmim! Sa i përket cilësisë, shumë larg të parës.

Po hajde pasi që është prodhim vendor duhet përkrahur. Edhe kur qumështin e blejnë 30 cent nga fermerët.

Edhe kur ua vonojnë pagesat atyre deri në 6 muaj, siç vet shoqata e qumështit po deklaron.

Por, kur ai qumësht përpunohet me vaj palme dhe me qumësht pluhur, atëherë një sqarim duhet me ekzistu prej kësaj kompanie.

Nuk pijnë ujë broçkullat se po luftohet biznesi vendor, se po i jepet përparësi tjerëve, e me dal të irrituar kishe po e mbyllim kompaninë veç shkaku i një kontrolle të paparalajmëruar që e mbron konsumatorin.

Se shoqatë humanitare nuk kanë qenë. Këtë punë e kanë bo me fitim, e nuk është që kanë shpërnda qumësht falas.

Kur je në rregull me ligj, bash pesë pare nuk i jep se kur vijnë inspektorët.

Por, kur ka dyshime se nuk je në rregull as me letra dhe nisin të shfaqen dokumente të regjistrimit të biznesit në shtete tjera, e në mesin e pronarëve njëri me pasaportë të Serbisë, e qaty nis kjo hallakama.

Rruga Press