Qoku: BDI-ja është kompani aksionare

Nga Bekim Qoku

Në qoftë se me politikë kuptojmë sferën e kolektives, interesin e përgjithshëm, BDI-ja nuk është më parti poltike.

Me bindje të thellë pohoj se ky grupacion është shndërruar tashmë në një kompani aksionare, që për qëllim të vetëm ka pasurimin e “bordit të saj drejtues”, pra funksionarëve të saj të ngushtë dhe të kënaqë klientët e saj.

Të gjithë, po them të gjithë ata që kanë bashkëpunim dhe synojnë bashkëpunim me këtë parti-kompani e kanë vetëm për synim të pasurojnë veten dhe familjen e tyre të ngushtë. Nuk i ka mbetur asnjë grimë dimensioni politik. Kush e përmend fjalën politikë bashkë me BDI, ta dini që gënjen rëndë.

Domethënë, nëse dikush ju arsyeton bashkëpunimin me BDI me argumente politike, lirisht thoni: lëri këto budallallëqe, po më thuaj sa pare keni bërë deri tani me këtë parti, ose sa pare ju ka premtuar se do të bëni.

Bekim Qoku është kandidat për deputet në Maqedoni të Veriut, nga radhët e Lëvizjes VETËVENDOSJE!, i cili do të garojë në listat e koalicionit të opozitës LEN.

Rruga Press