Qindra protestues tek Ministria e Brendshme / Drejtësi për Klodjanin dhe dorëheqje për Lleshajn

Qindra qytetarë pasditen e kësaj të mërkure kanë dalë në protestë përpara ministrisë së Brendshme, ku kërkojnë drejtësi për Klodjan Rashën, të riun që u vra në orën e para të mëngjesit të së martës nga efektivi i policisë. Me thirrjet “duam Drejtësi”, “Poshtë komunizmi”, por edhe sharje dhe ofendime në drejtim të Policisë së Shtetit, protestuesit e shumtë kërkojnë dorëheqjen e ministrit Sandër Lleshaj.

“Hiqni kapelet” është një tjetër thirrje që protestuesit thonë në kor në drejtim të uniformave blu.