Qeveria në detyrë ndan 250 mijë euro për Përfaqësuesen e Kosovës, premton 1 milion për kualifikim në Botëror

November 27, 2025 user 1

Kryeministri në detyrë, Albin Kurti ka njoftuar në mbledhjen e Qeverisë se Kosova do të shpërblehet për suksesin historik në fushatën e kualifikimeve për Botërorin 2026, me 250 mijë euro për kalimin në play-off.

Ndërsa, ai ka theksuar se 500 mijë euro në rast fitoreje ndaj Sllovakisë, dhe 1 milion euro nëse kualifikohet në Botërorin 2026.

Lexo më shumë Raporti më i fundit i Agjencisë Evropiane të Mjedisit nxjerr në pah një nga dështimet më serioze të qeverisjes mjedisore në Shqipëri: degradimin e vazhdueshëm të cilësisë së ujërave larës

“Në rast të fitores ndaj Sllovakisë zotohemi për shpërblim 500 mijë euro. Në rast të kualifikimeve zotohemi për 1 milionë euro shpërblim”, ka thënë Kurti.
Kosova do të luajë më 26 mars në Bratislavë kundër Sllovakisë.

Në rast fitoreje, përfaqësuesja do ta luajë ndeshjen vendimtare për kualifikim në Botëror në Prishtinë, ndaj fituesit të ndeshjes Turqi – Rumani.

Lexo më shumë Gazetarët Naomi Klein dhe Mehdi Hasan në mbështetje të protestës së flamingove

Rruga Press