Qeveria çeke shpall gjendjen e jashtëzakonshme

Qeveria çeke ka shpallur gjendjen e jashtëzakonshme nga dita e premte në pritje të një fluksi të madh refugjatësh ukrainas që po ikin nga pushtimi i vazhdueshëm rus.

“Ne po e zbatojmë atë thjesht për arsye teknike, kështu që ne mund të përballojmë fluksin e refugjatëve,” tha të mërkurën kryeministri çek Petr Fiala gjatë një konference për shtyp.

“Në asnjë mënyrë kjo nuk do të prekë qytetarët çekë,” shtoi ai.

Gjendja e jashtëzakonshme është caktuar të zgjasë 30 ditë, por ajo mund të zgjatet nga qeveria nëse është e nevojshme.

© Rruga Press