KryesoreLajme

Qendrimi i Grenellit shkakton furi reagimesh: Berlini, Parisi dhe Roma në një linjë me politikat e Trumpit në Ballkan

user 1

Emisari i posaçëm i ish-presidentit Donald Trump për dialogun Kosovë-Serbi, Richard Grenell, ka dhënë një koment mbi letrën që tre liderët evropianë, kancelari gjerman, Olaf Scholz, presidenti i Francës, Emmanuel Macron dhe kryeministrja e Italisë, Giorgia Meloni i dërguan kryeministrit Kurti në lidhje me mbështetjen e tyre ndaj draft-statusit të Lajçakut për Asociacionin.

Grenell pohon se “evropianët më në fund po e përqafojnë politikën e Trump për Kosovën”.

“Më në fund! Evropianët përqafojnë politikën e Donald Trump për Kosovën. Italia, Franca dhe Gjermania i thonë kryeministrit të Kosovës Albin Kurti se ai duhet të bëjë ‘përparim vendimtar’ për të zbatuar marrëveshjet e kaluara ose ata nuk do të mbështesin aplikimin e tyre në Këshillin e Evropës”, shkruan Grenell.

“Përgëzoj Italinë që bëri që Franca dhe Gjermania të veprojnë më në fund”, u shpreh ai.

“Është e rëndësishme të theksohet se administrata Trump e bëri këtë kërkesë të Kurtit 4 vjet më parë – dhe u kritikua nga evropianët për të”, përfundoi ai.

Ky deklarim i Grenellit ka nxitur një furi reagimesh nga figura të ndryshme publike në Evropë dhe Ballkan.

Eurodeputeti gjerman, Reinhard Butikofer ka ironizuar qeverinë e tij dhe kancelarin Scholz duke thënë se më në fund ato fituan respektin e ekstremistit të Trumpit.

Lexo më shumë  Formacionet zyrtare, Francë – Belgjikë: Deschamps dhe Tedesco futen me të gjitha forcat

“Urime të mëdha qeverisë gjermane! Më në fund ka arritur të fitojë duartrokitjet dhe respektin e dobët të ekstremistit të Trump, Richard Grenell, për politikën e saj ndaj Kosovës! Çfarë përparimi!“

I menjëhershëm ka qenë edhe reagimi i deputetit dhe kryetarit të komisionit për punët e jashtme në Bundestagun gjerman, Michael Roth, i cili ironizon po ashtu me qeverinë e tij.

“Kur ke mbështetës të tillë, ç’të duhen kundërshtarët“, shkruan Roth.

Me të njejtat doza ironie ka qenë edhe reagimi i Presidentës së organizatës austrike Viena goes Europe, Kati Schneeberger.

“Gjermania, Franca dhe Italia në nivelin e Trumpit. Ia dolët.“, shkruan ajo.

Nuk kanë rezistuar pa reaguar as gazetari francez, Stephan Israel dhe ai gjerman, Michael Martens, të cilët vazhdojnë retorikën me të njejtat nota ironizuese e tallëse ndaj vendimit të treshes evropiane për të qenë në të njejtën gjatësi vale me Trumpin e Grenellin.

Lexo më shumë  Aktivisët shoqërohen në burg, sepse shprehën zemerimim ndaj Kryeministrit Edi Rama për mungesën e ilaçeve kimio në QSUT/Video

“Ka shumë mundësi që Scholzi dhe Macroni të kenë marrë vendimin e gabuar për mosanëtarësimin e Kosovës në Këshillin e Evropës nëse duartrokiten për këtë nga ish-ambasadori dhe altoparlanti i Trump, Richard Grenell“, shkruan Stephan Israel.

“Berlini, Parisi dhe Roma pas linjës së Donald Trumpit në Ballkan. Socialdemokratët në kancelarinë gjermane, duke injoruar shumicën e partisë së tyre në Bundestag për çështjen e anëtarësimit të Kosovës në Këshillin e Evropës, marrin një kompliment të merituar“, shkruan gazetari gjerman Michael Martens.

Gerald Knaus, nga Iniciativa Evropiane për Stabilitet, shkruan “Vizioni i Ahtisaarit vs Vizioni i Trumpit dhe Orbani. Tek cili do të qendrojë Evropa“.

Rruga Press

YouTube player