Putini po kupton gradualisht se strategjia e tij nuk po funksionon, thonë zyrtarët perëndimorë

Vladimir Putini duket se e di se forcat ruse po pësojnë “humbje të rënda”, kanë thënë zyrtarët perëndimorë, raporton Sky News.

Kjo mund të shihet, thanë ata, në vendimin e tij për të rifokusuar strategjinë ushtarake në përpjekjen për të kapur territor në rajonin e Donbasit në Ukrainën lindore.

Ata shtuan se informacioni në lidhje me atë që po ndodh realisht në Ukrainë “duhet të jetë duke kaluar” tek Putini dhe po kalon ngadalë edhe tek publiku rus.

Pavarësisht se plani i tij fillestar për të marrë të gjithë Ukrainën po lëkundet, zyrtarët thanë se rrethi i ngushtë i ndihmësve të Putinit ka të ngjarë të jenë shumë të frikësuar për t’i treguar atij të vërtetën e plotë se sa keq po i shkon pushtimi Rusisë.

Dhe ata thanë se vendet që kanë një dialog të ngushtë me Rusinë po i thonë Perëndimit se “sigurisht që kanë një ndjesi se ai nuk e pranon tablonë e plotë” për momentin.

Rreth 10,000 ushtarë rusë mendohet se janë vrarë që nga fillimi i pushtimit më 24 shkurt.

Rruga Press