Bota

Pushtimi rus i Ukrainës, protesta kundër Putinit në disa vende të botës

Mijëra njerëz kanë protestuar në Sidenj të shtunën me pankarta në duar: “Ukraina do t’ia dalë” dhe duke kërkuar vendosjen e shumë masave kundër Moskës, ndërsa protestuesit në Tokio kërkuan që Rusia të përjashtohet nga Këshilli i Sigurimit i Kombeve të Bashkuara.

Protestat filluan pas përplasjeve mes forcave ruse dhe ukrainase për kryeqytetin e Ukrainës dhe pasi Rusia vuri veton ndaj një projekt-rezolute të Këshillit të Sigurimit të OKB-së, që dënon pushtimin e Ukrainës.

Lexo më shumë  Alarm në Poloni pas sulmeve ruse në Ukrainë, dyshohet për shkelje të hapësirës ajrore nga objekte të paidentifikuara

Nga Tokio, në Varshavë, Londër dhe Nju Jork, mijëra kanë protestuar kundër pushtimit, kriza më e madhe e sigurisë në Europë në dekada.

Të veshur me flamurin blu dhe të verdhë të Ukrainës dhe duke valëvitur flamurin kombëtar të vendit, protestuesit e Sidneit mbanin gjithashtu pankarta që dënonin përpjekjet e presidentit rus Vladimir Putin për të rrëzuar qeverinë ukrainase.

Disa kërkuan që qeveria e kryeministrit Scott Morrison të rrisë sanksionet kundër Moskës dhe të ndalojë qytetarët rusë të vizitojnë Australinë, ndërsa të tjerë kërkuan ndërhyrjen e NATO-s.

Lexo më shumë  Macron mbështet “rihapjen e çështjes” së anëtarësimit të Ukrainës në NATO

Australia dhe Japonia u janë bashkuar Shteteve të Bashkuara, Bashkimit Europian dhe shumë vendeve të tjera në vendosjen e një sërë raundesh sanksionesh kundër politikanëve, bizneseve dhe qytetarëve të elitës ruse për shkak të pushtimit të Ukrainës.

Rruga Press

YouTube player

Leave a Reply

Your email address will not be published. Required fields are marked *