Protesta e opozitës në gjithë Shqipërinë. Akset që do të bllokohen ditën e nesërme nga protestuesit

October 28, 2024 User2

Të martën e 29 tetorit do të vijojë protesta e Partinë Demokratike dhe aleatëve e saj opozitarë.

Protesta do të shtrihet në pikat hyrëse dhe dalëse të qyteteve kryesore të vendit.

Skenari parashikon bllokim të lëvizjes së lirë të automjeteve në 6 rrethrrotullime të Shqipërisë.

Në Tiranë, segmenti që do të bllokohet është ai në afërsi të kthesës së Kamzës deri në sheshin Shqiponja.

Lexo më shumë “Më akuzoi për shitje droge, unë jam student me mesatare 10!”/ Ekselenti i përgjigjet Ramës nga protesta

Në rrugët që të çojnë në jug dhe veri të vendit, protesta e opozitës do të përqendrohet në pesë rrethrrotullime, në Shkozet, Rrogozhinë, Levan, Bradashesh dhe Milot.

E parashikuar të nisë në pesë të pasdites dhe të zgjasë deri në tre orë, në secilin prej segmenteve rrugore, mbështetësit e Partisë Demokratike do të udhëhiqen nga deputetët e qarqeve përkatëse.

Lexo më shumë Ambasadori gjerman: Radoiçiq dhe të tjerët përgjegjës për sulmin në Banjskë duhet të dalin para drejtësisë

Rruga Press