Protesta e 37-të në Tiranë, qytetarët mblidhen sërish përpara Kryeministrisë për dorëheqjen e Ramës

Protesta kundër kryeministrit Edi Rama vijon të mbahet në mënyrë të përsëritur. Sot në orën 19:00 është paralajmëruar zhvillimi i protestës së 37-të, ku qytetarët pritet të mblidhen sërish në shesh me kërkesën për largimin e kreut të qeverisë.

Protestuesit i kanë bërë thirrje qytetarëve nga e gjithë Shqipëria, si dhe mbështetësve nga diaspora që ndodhen në Tiranë, që t’i bashkohen tubimit.

Sipas planit të organizimit, grumbullimi fillestar i protestuesve do të nisë në sheshin “Skënderbej”. Më pas, marshimi do të vijojë drejt godinës së Kryeministrisë, ku pritet të përqendrohet edhe protesta.

Kërkesa kryesore e kësaj lëvizjeje mbetet largimi i Edi Ramës nga detyra. Organizatorët kanë deklaruar se protestat do të vijojnë deri në realizimin e këtij qëllimi. Në mesazhet e tyre, ata kanë përdorur edhe thirrjen “Ju erdhi fundi”, duke ftuar pjesëmarrje sa më të gjerë në tubim.

Rruga Press