Projekti interesant i Gjermanisë, makinat elektrike mund të karikohen në rrugë

Udhëtimet më të gjata me makina elektrike përfshijnë edhe karikimin më të shpeshtë. Numri i karikuesve në rrugë është i vogël. Megjithatë, Gjermania është duke zhvilluar një projekt interesant për t’iu shmangur kësaj vështirësie duke ndërtuar valë karikimi në rrugë.

Me teknologjinë e karikimit induktiv të prezantuar nga shkencëtarët nga Departamenti i Automatizimit të Fabrikave dhe Sistemeve të Prodhimit në Nurnberg (FAU), shqetësimet për gamën e veturave elektrike së shpejti mund të bëhen histori në Gjermani.

Siç shkruan Revista HAK, shkencëtarët duan ta sjellin teknologjinë në prodhim serik. Sipas njoftimit për shtyp të publikuar nga FAU, bëhet fjalë për një investim prej 8 milionë eurosh.

Bobinat që do të vendosen në sipërfaqen e rrugës do të krijojnë një fushë magnetike. Nëse një veturë kalon ose parkon mbi të, kjo fushë shkakton një tension në spiralen e ndërtuar në automjet dhe e ngarkon atë me energji elektrike. Teknologjia mund të instalohet pa probleme në rrugë.

Pista e testimit një kilometër pritet të fillojë të funksionojë në mesin e vitit 2025. Nuk ka ende vendndodhje se ku do të vendosen bobinat, por Administrata Gjermane e Autostradave do ta përcaktojë më vonë.

Rruga Press