Procesohet subvencioni i energjisë elektrike për faturat e muajit nëntor

Ministri i Financave, Hekuran Murati, ka njoftuar se ka përfunduar procesi i subvencionimit të faturave të energjisë elektrike për muajin nëntor për të gjitha familjet e cënueshme që janë kualifikuar për përfitim.

Sipas njoftimit, të gjitha familjet përfituese mund ta verifikojnë subvencionin e aplikueshëm duke kontrolluar llogarinë e tyre online me furnizuesin e energjisë, ose duke marrë faturën e energjisë pas leximit të orëmatësit.

Ky subvencion mbështetet nga Bashkimi Evropian, në kuadër të pakos mbështetëse për energjinë, dhe është pjesë e angazhimit të Qeverisë për mbështetje të qytetarëve dhe familjeve të prekura.

“Qeveria për të gjithë! Vazhdojmë!”, ka përfunduar Ministri Murati.

Rruga Press