“Prizreni vendosi!” – Artan Abrashi paralajmëron festën e madhe të fitores në Shatërvan

Kandidati i Lëvizjes Vetëvendosje për kryetar të Komunës së Prizrenit, Artan Abrashi, ka shprehur mirënjohje për mbështetjen dhe besimin e qytetarëve, duke theksuar se Prizreni tashmë ka vendosur për ndryshimin.

Përmes një postimi në Facebook, Abrashi ka falënderuar qytetarët për përkushtimin e tyre në çdo lagje e fshat, duke e cilësuar këtë energji si forcën që do të sjellë “fitoren e madhe”.

Prizreni vendosi! Faleminderit për mbështetjen, për besimin dhe për përkushtimin tuaj në çdo lagje e çdo fshat. Energjia juaj është forca jonë për fitoren e madhe që po vjen. Shihemi të dielën mbrëma në Shatërvan, në festën e Prizrenit!”, ka shkruar Abrashi.

Në fund të postimit, kandidati i Vetëvendosjes ka përdorur edhe hashtagët #PrizreniFiton, #BashkëPërPrizrenin dhe #105, duke lënë të kuptohet se është i bindur në fitoren e raundit të balotazhit që do të mbahet të dielën.

Rruga Press