Presidenti i Kroacisë: Serbia duhet ta kuptojë dhe ta pranojë se Kosova është e pavarur

Presidenti i Kroacisë, Zoran Milanoviq, ka deklaruar se Kosova është shtet i pavarur dhe sovran dhe se këtë gjë duhet ta dijë edhe Serbia.

“Serbia duhet të kuptojë dhe të pranojë se Kosova është e pavarur. Fatkeqësisht, kjo nuk është pranuar nga disa anëtarë të tjerë të Bashkimit Evropian”, tha Milanoviqi.

Milanoviqi tha se në samitin e NATO-s vitin e kaluar, pas pushtimit rus në Ukrainë, ishte i vetmi që u bëri thirrje vendeve evropiane që ta njohin Kosovën.

“Por është sikur po flisni me një mur. Disa vende nuk e njohën sepse kanë frikë nga precedentë që përfundimisht, në një moment krize, në një rënie të imunitetit, mund të zbatohen ndaj vendeve të tyre”, tha  Milanoviqi, shkruan Dnevnik

Rruga Press