Presidenti Biden: Aplikimi i Suedisë dhe Finlandës në NATO një moment vendimtar

Presidenti amerikan, Joe Biden, ka thënë se Suedia dhe Finlanda e kanë “mbështetjen e plotë, totale dhe komplete” të ShBA-së në vendimin e tyre historik për të aplikuar për anëtarësim në NATO.

Të dy vendet paraqitën aplikimet e tyre këtë javë për të qenë pjesë e aleancës së mbrojtjes, një ndryshim drastik në gjeopolitikën evropiane.

Lëvizja e dy vendeve nordike është kundërshtuar nga anëtari i NATO-s, Turqia.

Rusia e sheh NATO-n si një kërcënim dhe ka paralajmëruar për “pasojat” e zgjerimit.

Për t’u bashkuar me aleancën, të dy kombet kanë nevojë për mbështetjen e të 30 vendeve anëtare të NATO-s.

Lexo më shumë  Ja çfarë rrezikon Donald Trump nëse FBI-ja ka gjetur dokumente konfidenciale në Mar-a-Lago

Duke folur së bashku me kryeministren suedeze Magdalena Andersson dhe presidentin finlandez Sauli Niinisto në Shtëpinë e Bardhë të enjten, Bideni i quajti aplikimet e Suedisë dhe Finlandës për t’u bashkuar me NATO-n “një moment vendimtar në sigurinë evropiane”.

Rruga Press

Leave a Reply

Your email address will not be published.