Prerja e pemëve te Liqeni Artificial, qytetarët: Nuk zë mend Erioni!
Një qytetar ka denoncuar në “Fax News” se në Liqenin Artificial po kryhet një krim mjedisor duke u prerë me dhjetëra pemë.
Përmes këtyre pamjeve të “Fax News” duket që janë prerë dhjetëra pemë. Ajo që po bëhet në këtë zonë është ndërtimi i një piste vrapimi, që ka koston e 58 milionë lekëve.
Kryebashkiaku Veliaj ka folur në fillim të mandatit për gjelbërimin e kryeqytetit. Me nismën “mbill një pemë”, ftoheshin dhe qytetarët t’i bashkoheshin kësaj nisme.
Liqeni Artificial është quajtuar “mushkëria” e qytetit, por një pistë vrapi tashmë ka shkaktuar krim mjedisor te Liqeni.
Zëri i qytetarëve:
Qytetare: Katastrofë! Më dhemb zemra sa herë shoh këtë pamje.
Qytetari: Nuk më vjen mire që priten pemët. Duhet të mbrohet nga të gjithë qytetarët. Nuk e kuptoj çfarë bëhet.
Qytetari: Ashtu siç ka bërë sheshin me pallate të larta, kështu ka filluar dhe këtu t’i presë pemët. Çfarë t’i bësh thirrje atij?! Nuk zë mend, ashtu si e ka nisur me Edi Ramën ky.
Rruga Press