Policia gjen armatim në shtëpinë ku u vra Arlinda Zekaj

October 27, 2026 User2

Policia e Kosovës ka dhënë detaje të reja lidhur me rastin e vrasjes së gruas, Arlinda Zekaj, në Pejë.

Sipas raportit policor, më 25 tetor 2026, rreth orës 21:02, në fshatin Vitomiricë të Pejës, gjatë kontrollit të shtëpisë së të dyshuarit, mashkull kosovar, janë gjetur dhe sekuestruar një sërë armësh dhe mjetesh të tjera.

Në mesin e gjësendeve të sekuestruara janë një pushkë gjuetie, 153 fishekë, disa karikatorë, pajisje të ndryshme të armës, tri thika, një bajonetë, 115 gëzhoja dhe një sëpatë.

Lexo më shumë ‘Rikthim në epokën komuniste’/ Gazeta belge: Studentët dalin sërish në rrugë kundër Edi Ramës

“Fsh. Vitomiricë, Pejë 25.10.2026 – 21:02. Lidhur me rastin, gjatë kontrollit të shtëpisë së të dyshuarit mashkull kosovar, është gjetur dhe sekuestruar: një pushkë gjuetie, 153 fishekë, disa karikatorë, disa pajisje të armës, tri thika, një bajonetë, 115 gëzhoja dhe një sëpatë. Rasti është duke u hetuar”, thuhet në raportin e policisë.

Ndryshe, Albert (Sylejman) Sylaj është i dyshuar dhe i shpallur në kërkim nga Policia e Kosovës, nën dyshimin për përfshirje në vrasjen e rëndë të Arlinda Zekajt, e cila ndodhi më 25 tetor 2026 në fshatin Vitomiricë të Pejës.

Lexo më shumë Të rinjtë në Shqipëri, të fundit në Evropë për të ardhurat sipas fuqisë blerëse

Sipas njoftimit të policisë, i dyshuari, i lindur më 12 dhjetor 1984 në Deçan, kërkohet për veprën penale “Vrasje e rëndë”. Ai dyshohet se është kunati i viktimës dhe, sipas raportimeve mediatike, ende ndodhet në arrati.

Rruga Press